د.ياسر الشريف أنا المصري 🇪🇬

 

أنا المصري

أنا المغلوب علي أمري ومخاوي عَذابي من صُغري

أنا المكتوب علي جبيني شَقيان وتَعبي قِسمتي وقَدري

أنا المصري 

أنا الصامت الصامد من عَصرنا الحجري

أنا اللي عَلمت العالم حَضارتي

أصبحت عندُهم أُجَريِ

أنا القَشاش وأنا المَجري

علي قضبان الحياة باجري

قديم قوى لكن كمان عَصري

أنا المصري 

أنا الوطني أنا الأنسان

أنا اللي بنيت لكم أوطان

أنا الفلاح وأنا العامل 

أنا الحاجب أنا السُلطان

وليه باختفي قَصري

أنا المصري 

أنا السِلم والسلام أنا الحِلم فى المنام

أنا السكوت أنا الكلام والحب والوئام

أنا التاريخ أنا الأعوام وعاشق أهلى طول عُمرى

أنا المصري 

أنا الحادى أنا الجمال أنا الغربة والترحال 

أنا الناى أنا الموال أنا خليفة أعز رجال

أنا الماضى أنا الحاضر أنا الفارس المصرى 

د.ياسر الشريف